A1 GAME FEST 2019

Членовите на Македонската еспорт асоцијација “МЕСА” беа дел од организациониот тим на најголемиот гејминг настан во 2019, А1 Гејм Фест кој се одржуваше во 3-те најголеми кино сали во Синеплекс во Скопје. Пред главниот настан се одржаа онлајн квалификации кои беа организирани и надгледувани од страна на членовите на МЕСА во кои имаше пријавено пoвеќе од 100 различни тимови за игрите CS:GO и DOTA2, и повеќе од 500 играчи во останатите 5 игри (Fortnite, Fifa 20, Tekken 7, Clash Royale и Heartstone). Главниот настан на 14ти и 15ти Декември 2019год. беше посетен од преку 5000 посетители, почнувајќи од 6 годишни љубопитни дечиња до олд-скул гејмери кои се сега мајки и татковци. Cineplexx беше преполн а кино салите за финалните натпревари беа исполнети до последното место. Наградниот фонд за овој настан изнесуваше вкупно 10.000 евра. Дел од тоа како учесниците и посетителите се забавуваа, играа и навиваа може да го погледнете преку сликите направени од тамошните фотографери.